Hólaskjól er við Fjallabaksleið nyrðri, um 35 km frá þjóðvegi nr. 1. Um 23 km. vestan Kirkjubæjarklausturs er ekið inn á veg nr. 208 og upp Skaftártungu. Rétt neðan við bæinn Búland, er beygt inn á veg nr. F208. Yfir sumarið er vegurinn fær öllum bílum og engar óbrúaðar ár eru á leiðinni. Frá Landmannalaugum og í Hólaskjól eru 37 km. eftir vegi nr. F208, Fjallabaksleið nyrðri. Á þeirri leið sem er mjög falleg, eru ár og lækir sem eru aðeins færir fjórhjóladrifsbílum.
Gps hnit: 63° 54,459'N, 18° 36,259'W (ISN93: 519.426, 378.284).
